Dán siiddus gávnnat Unjárgga gieldda báikenamaid. Dán siiddu lea Isak Saba guovddáš ráhkadan čalmmustahttin dihte gieldda sámegielat báikenamaid máŋggabealátvuođa. Dán siidui leat čohkkejuvvon oktiibuot badjel 3000 báikenama.
OVTTASBARGOGUOIMMIT
Máŋggas leat oasálastán dán bargui. Namalassii informánttat, lohkkit, govvejeaddjit ja teknihkalaš veahkit. Dán siidui leat čohkken báikenamaid mat gávdnojit Qvigstad su. 1920, Leif Rantala ja Olav Dikkanen 1980 – 82 ja Nils Edvin Paulsen, 2004, Unjárgga ealáhatsearvvi čoakkáldagas. Čálalaš gálduid lassin leat čohkken eará báikkálaš informánttaid dieđuid báikenamain mat eai leat ovdal dokumenterejuvvon.
EAMBO DIEĐUT
Min guovllu báikenamat leat čatnon iežamet identitehtii ja dovdduide. Go lea ná ollu materiála, de soitet leat muhtin meattáhusat dahje muhtun báikenamat soitet váilot. Báikenamat siiddu lea vejolaš rievdadit ja ođasmahttit. Mii ávžžuhit geavaheddjiid cavgilit midjiide min e-poasta čujuhussii isaksaba@nesseby.kommune.no jus ležžet lassidieđut mat galggašedje leat mielde dán siiddus.
GIITU
Isak Saba guovddáš háliida giitit buohkaid geat leat veahkehan min báikenamma siidduin. Mii leat almmuhan govaid eanaš informánttain. Isak Saba guovddáš háliida maiddái giitit Sámedikki ja Unjárgga gieldda go lea ruhtadan almmuheami.